Kum 2019 kum thar ei chuongkai thei hi lawm a um tak zet. Pathien kuoma lawmthu hril mawl mawl ei tih/tiu.
Kumthar hun hlimum tak hi inhlan tharna dingin hmang inla.
Hi hun thar hi mi dang ni lova nang ngeiin i hmang thei hi ka lawmpui tak meu meu che!
Dam le tha taka kum thar i tlung thei hi ka lawmpui ruol chein hi niin a chawi sa i hmaa mawphurna le chona umhai sel taka hmasawn thei dingin ditsakna ka'n hlan che.
Mi lakah beiseina sien insang ngai naw la, i beisei anga an um naw pha i nat pha taluo naw na dingin!
Mi po po ring la, an lakah i lungril ruok chu innghat vawng kher naw rawh.
Lekhabu hi a kawm a inthawk chauhin thlir naw la, a sung a inziek a inthawk ngaidan siem lem rawh.
Khawvel ta dingin iengkhawm ni naw la khawm, tu am a ni ta ding ruok chun a Khawvel i nih!
Chu tu am a nih chu i hrietah inlar kher naw sienkahwm, ama chun a thlir zing hlak che!
Thaw rawn hi thain tuor sienkhawm mi tinin an lawm si!
I ṭhang takna reng rengah a nep pawl ni lovin an la ngai vawng vawng dinga khawpa thaw le inhmang tum rawp la.
Ṭhuoitu ni hi thaa mi dang keiṭhuoi el ni lovin, an lungril hne a, an ta dinga beiseina ni hi a nih.
Beisei ding a um tak naw hnungah khawm i keiṭhuoihai ta dingin beisei ni rawp hlak rawh!
Thawk la, zui an ti che!
I hril tam chun nghawk an ti che!
I sukhlawhtling thei naw ding tiemin beiseina siempek naw rawh. Mi ringum naw sin a ni ngai!
Harsatna hi selna le hrata hnarah hmang rawp la! Beidawngna phena Beiseina um hi thlir rawp hlak rawh!
Hi kum thar hi i ta dinga malsawmna kum lo ni sien la, mi dang ta dinga malsawmna ni ngei dingin ditsakna ka'n hlan che.
Kumthar hin i nunah malsawmna, hlimna, lawmna, damna, hrisel, hmuingilna hung intlun sien, mi dang ta dinga malsawmna i ni kum hung ni mawl raw seh.
Kumthar chibai le!
Ringumin,
*H Zate
www.hzate.in
WhatsApp: +919402125273
Camp: Thingdawl
Date: January 1, 2019
0 Comments